Mulembi mura wa mphara ikulu ya wupu wa Mdauku wa a Tonga (MWATO) ada Levi Zeleza Manda wapataula kuti chechosi chakunozgeke nkholi iyi la mawa ili chemumalu mwaki.
Nkholi ya chilimika chinu ikachitikanga mawa pa 17, August,2024 ku Msani muchigawa cha ada bwana a Chilerawana muchigawa cha Chiyembwi Mkumbira.
Kwakuyana nda ada Manda chiratu chakuwanga ndi nkholi iyi kulutiska pa nthazi mdauku wa a Tonga mchalu munu ndi vyalu vinyaki.
Ada Manda wapataulaso kuti pankholi ya mwenga iyi kwamujaso nkholi imana yaku jalikiska malu nga chikumbusku (heritage site) chigawa cha Chilerawana.
“Malu agha tizengengepu sukulu, ndi nyumba ya chikumbusku ndi ma ofesi ghakulekana lekana” Wapataula viyo ada Manda.
Nkholi ya chaka chinu ikachitakanga pa mutu wakuti “Chilengiwa chidu, nthazi lidu.
Mulendu wamanyanda pa nkholi iyi mba ada Richard Chimwendo Banda yo ndi nduna ya vya ma boma ndi umoza.
