Apolisi mu mzinda wa Lilongwe amanga amuna asanu ndi m’ modzi chifukwa choba matumba a 78 a mtedza, akina osokera ndi ma sikelo oyezela okwana asanu, zonse za ndalama zokwana 10.8 miliyoni kwacha
Malingana ndi mneneli wa apolisi ku Lilongwe a Hastings Chigalu, mbavazi zidamanga mulonda wa pa nyumba yosungilamo katundu wa mayi wina ochita malonda kwa Njewa ndi kunyamulira katunduyu mu galimoto ya mtundu wa lorry ya matani 15 mu usiku wa pa 13 febuluwale chaka chino
A Chigalu atsimikiza kuti akusunga a Cosmas Kambale a zaka 26, Lotesi Chakula 31 , Dalitso Mponda 35, Senadi Kasitomu 37, a Robert Kasimu ndi a Chisomo Kajawa a zaka 26.
A Chigalu ati mu kafukufuku wawo ndi amuna oganizilidwawa, apolisi anatengeledwa ku malo osiyanasina komwe akwanitsa kupeza matumba a Mtedza okwana khumi ndi awiri okha (12) ndipo ati kafukufuku apitilira kuti agwire ena mwa akubawo komanso kupeza katundu otsalayo.
