Bwalo la milandu ku Chiradzulu lagamula a Matias Kabango a zaka 40 kukakhala kundende kwa zaka 12 chifukwa chogwilira mwana wa dzaka 16.
Mneneri wa a polisi ku Chiradzulu a Cosmas Kagulo anati oimila boma pa mulanduwu a Spenard Chankoma anauza bwaloli kuti pa 12 Ogasiti chaka chino a Kabango anamugwilira mwanayu pamene anali kumunda kosaka nkhuni.
Koma a Kabango anaukana mulanduwu zomwe zinapangisa oimila boma kuitana mboni kuzatsimikizila zachiwembuchi.
Popeleka chigamulo, oweruza milandu a Smart Maruwasa anawapeza a Kabango kuti ndi olakwa ndipo kuti akakhale kundende kwa zaka 12.
A Kabango amachokela mudzi wa a Njeremba, Mfumu yaikulu Likoswe boma lomwelo la Chiradzulu.
