Wyson Salad wa zaka 18 amumanga ku Balaka pomuganizila kuti anagwirilira mwana wa zaka zitatu.
Mneneri wa polisi ya Balaka a Gladson M’bumpha ati izi zinachitika pa 1 September, 2023 ndipo oganizilidwayo, yemwe ndi amalume ake a mwanayo, wamangidwa dzulo.
A M’bumpha ati pa 1 September nthawi ya kumasana a Salad omwe amachita bizinesi ya kabaza anatenga mwanayu panjinga yawo kuti akamugulire masilipasi.
Nthawi yomwe agogo ake amwanayu amamusambitsa, mwanayu anaulula kuti amamva ululu ndipo atafunsidwa ananena kuti a Salad anamulowetsa chinthu ku malo obisika.
Mayiwa anatengera nkhaniyi kupolisi komwe mwanayu anatengeredwa kuchipatala chachikulu cha Balaka ndipo achipatala anatsimikiza kuti mwanayo wagwiliridwa.
Pakadali pano a Salad mchitokosi cha apolisi ndipo akuyembekezereka kukaonekera ku bwalo la mlandu ndikukayakha mlandu ogwirilira.
Iwo amachokera m’mudzi wa Mphepozinayi, mfumu yaikulu Msamala m’boma la Balaka.
