M’modzi mwa akatswiri pandale mdziko muno wachenjeza a Kondwani Nankhumwa kuti akuyenera kupanga chiganizo mosamala pa zatsogolo lawo pandale ponena kuti akapanda kusamala atha kudzikumbira okha dzenje lomwe iwo sangathe kutulukamo.
Malingana ndi Katswiriyu, a Lyford Chadza, a Nankhumwa akamapanga chiganizo chawo pazokhudza tsogolo lawo pandale asapusitsike kwambili ndi anthu omwe akuwachemerela kamba koti anthu amatha kusinthidwa dzuwa lili msana.
Katswiriyu anafotokozanso kuti iye akukhulupilira kuti chiganizo chomwe a Nankhumwa akhale akupanga chikhala chowapindulira pa tsogolo lawo pa ndale.
Masiku apitawo, a Nankhumwa adalengeza kuti akhala akulankhula ku mtundu wa amalawi kuwadziwitsa zokhudza tsogolo lawo pa ndale kutsatira atachotsedwa mchipani cha DPP.
Pakadali pano pali mphekesera yoti a Nankhumwa ayambitsa chipani chawo ktuti adzayimile nawo pa zisankho zomwe zikudzazi.
