Kampani yopanga Shuga ya Illovo yalengeza kuti tsopano yakweza mitengo ya shuga wake amene sakupezeka molongosoka pa msika.
Mu chikalata chimene kampaniyi yatulutsa, iyo yati kuyambira lolemba pa 22 April, ikhala ikukweza mitengo ya shuga. Tsopano paketi la 1kg akuti mtengo wake ovomerezeka ndi MK2300. Mtengowu achotsa pa MK1700.
Ngakhale kuti kampaniyi yalengeza zakukwera mtengo kwa shuga, ndi kovuta kuti anthu ambiri amupeze pamsika. Kuyambira ku mapeto kwa chaka chatha, anthu akhala akusaukira kuti apeze shugayu pamene zidamveka kuti wagulitsidwa ku mayiko ena ngati Zimbabwe.
Kusowa kwa shuga kunapangitsa kuti ma wokala a mu makwalala ambiri azimugulitsa pakati pa mtengo wa MK3500 ndi MK5000. Sizikudziwika kuti ndi kukweza kwa mtengo ovemerezekaku kupangitsa kuti afike pa ndalama zingati mu ma wokala a mu makwalala.
Anthu ena aonetsa chiyembekezo ndi kukweraku, kuyesa kuti mwina tsopano shuga ayamba kupezeka ochuluka pamsika.
