Bambo wa zaka 44 amumanga ku Mchinji chifukwa chogwirilira anyamata awiri a zaka zosaposera 12.
Wofalitsa nkhani za apolisi ku Mchinji a Limbani Mpinganjira wati bamboyu dzina lake ndi James Makunganya.
Malingana ndi a Mpinganjira, bamboyu aampereka K500 kwa anyamatawa komanso amawaopseza kuti awapha akakawulula kwa makolo awo.
Koma anawa tsiku lina analimba mtima ndikuwawuza makolo awo za chipongwe chomwe a Makunganya amawachitira.
A Makunganya omwe amachokera m’mudzi wa Masautso mdera la mfumu yayikulu Zulu m’boma la Mchinji akuyembekezeka kukaonekela ku khoti kukayankha mlandu wogwirilira ana.
