Wachiwiri kwa mtsogoleri wa dziko lino a Saulos Chilima dzulo anayankhula ndi a Malawi ku Mzuzu dzulo komwe anapereka miyambi.
A Chilima anafika mu mzindawu dzulo pa ndege ndipo analandilidwa ndi chikhamu cha anthu chomwe chinasonkhana pa pafupi ndi Mzuzu Shoprite.
Mu mawu awo a Chilima anapeleka miyambi iwir.
Oyamba ndi oti “Moto okonza pa kona umawotcha chipupa” ndipo wachiwiri unali wa mchitumbuka onena kuti “Maji ghakukhaliska ghakununkha (Madzi okhalitsa amanunkha)”.
A Chilima sanalankhulepo pa za mavuto a zachuma omwe a Malawi akukumana nawo pansi pa ulamuliro wa mtsogoleri wa dziko lino a Lazarus Chakwera mothandizidwa ndi iwowo a Chilima.
Ku Mzuzu a Chilima akhala nawo lero pa mwambo odzodza a Yohane Suzgo Nyirenda ngati wansembe wa Mzuzu Diocese ya tchalichi cha Katolika.
Ku mwambowu kukhalanso mtsogoleri wa dziko lino a Lazarus Chakwera omwe anapita ku Mzuzu lachinayi.
Mwambowu ukuchitika patangotha masiku ochepa a Chilima atakaonekera ku khoti ku Lilongwe pa mlandu wawo woti analandira ndalama zosachepera K300 milliyoni kuchokera kwa a Zuneth Sattar.
