Galimoto lina la mtundu wa thilaki lagwetsa imodzi mwa nyumba za apolisi pa C-Company pafupi ndi Simama Hotel ku Lilongwe pomwe linasempha msewu
Galimotoyi lomwe lili ndi number plate ya m’dziko la Zambia ndipo inanyamula matumba a simenti imachochokera mbali ya ku Lilongwe girls secondary school.
Malingana ndi mneneri wa a polisi pa chigawo chapakati, Alfred Chimthere wati ngoziyi yachitika chamma 2 koloko mamawa wa lero.
A Chimthere ati zikuonetsa kuti dalaivala wa galimotoli anamwa mowa ndipo atafika pa Simama Hotel adaikhotetsera galimotoyi ku manja kwake komwe linakathera mu imodzi mwa nyumba zokhala a polisi zomwe zili mphepete mwa nsewu.
Iwo anaonjezera kunena kuti mwachisomo mnyumbayi munalibe aliyense pa nthawiyo ndipo palibe wavulala.
Padakali pano dalaivala wa galimotoyi ali mmanja mwa apolisi.
