Apolisi m’boma la Ntchisi akusunga mchitokosi mnyamata wa zaka 16 atagwililira gogo wa zaka 74.
Malingana ndi Mneneli wa apolisi ku chigawo cha pakati kum’mawa a Esther Mkwanda, nthawi ya kumasana pa tsikuli mnyamata anatsatila kumunda komwe gogoyu amakasaka nkhuni ndipo anamumanga manja ndi kukolopola zovala za gogoyu mkumuchita za kusalungamazo.
Apolisi ati gogoyu anakafotokozera nkhaniyi kwa mwana wawo wamkazi yemwe anatengela nkhaniyi ku polisi m’bomali, ndipo zotsatilanso za chipatala zinatsimikiza za kugwililidwaku.
Apolisi ati mnyamatayu ali mmanja mwawo kuyembekezera kukayankha mulandu ogwililira.
