Waliyonse ngwakuzizwa vigawenga ivo vikakola nakusunga muliska mulala wa Mpingo wa God’s Chapel a Hastings Salanje mazuwa ghajumpha vyamuleka ndipo wali makola waka.
Panyakhe tighanayane kuti vikamutola chifukwa wakakana kukaphalaza ku Ninevi yayi, panyakhe kuti vyamuleka chifukwa wavibwatika na magzo ghawemi. Salanje wathunyika na va helodi chifukwa wavipa ndalama zinandi.
Walala walala wa Mpingo wa God’s Chapel waphalazga kuti vigawenga ivo vikakola nakusunga muliska mulala wa Mpingo uwu a Hastings Salanje mazuwa ghajumpha vyamuleka ndipo wali makola waka.
Pakwambilila pa mwezi wuno pa 1 December chaka chino walalawalala wa mpingo wa God’s Chapel wakiza pakwelu nakuphalazga wa Salanje wibika na vigawenga vinyakhe apo iwo na walalawalala wanyakhe wakawa pa vyakudumbilana pachihema chawo mu Chalo Cha South Africa.
Pati pajumpha mazuwa khumi (10) Muliska Salanje wati wasowa walalawalala wampingo uwu waphalazga kuti sono wa Salanje waswatulika.
Malingana na Ivo vyalembeka pa hamba lawo la fesibuku la Salanje, wanthu wa musinjilo awa wawaswatula waliska awa pakati pa usiku wa pasabata apo mpha 10 December 2023 ndipo wakuti wangutayika pamalo yanyakhe ayo yakuchemeka Katlehong mu Chalo icho Cha South Africa.
“Shalom kwa wa khilisitu mose wa God’s Chapel Ministries kweniso wose wakulondezga Waliska wa Hastings Salanje, ndise wakukondwa kuphalazga kuti Dada withu mu uzimu Waliska Hastings Salanje wafumiskika na awo wakiba ndipo usiku wamala wakawataya pa pa Malo yakuguliskila vinthu ku Katlehong ku Jubeki muchalo Cha South Africa,” malingana na kalembelo kawo pa fesibuku ya waliska Salanje.
Yumoza mwa waliska wa mpingo uwu a Nelson Mlotha waphalila yimoza mwa mawayilesi mu Chalo chino kuti waliska wa Salanje waswatulika panthazi pakupeleka makopala kwa wanthu awo wakakola na kwiba waliska awa.
Mpingo uwu wawonga wose awo wanguwa nawo muma lulombo kweniso wose awo wanguwikapo wovwili wawo, ndipo wati waliska a Salanje wayowoyenge kwa wose pa kanema uyo wamugawenge mwahuno pamande namise.
Panyake wakakana kuluta ku Nineve? Olo vigawenga vyamutaya Muliska Salanje chifukwa cha ukali wa uthenga uweme?
