Kumseu kwavuta: wa minibus wina amulipilitsa K480,000 poyenda opanda chitupa ndi kunyamula ma 4 – 4

203

Chaka chino ndiye zonyengelera kulibe. Apolisi a pamseu akwiya ndipo nonse opitiliza chibwana samalani chifukwa mutha kupeza mavuto.

Mkulu wina oyendetsa minibus wayetsa malodza atagamulidwa kuti alipile ndalama zokwana K480,000 atapezeka kuti amayenda opanda license komanso galimoto yake idalibe zitupa (CoF).

Malinga ndi malipoti, Apolisi adagwila Bambo Julius Pofera mu mzinda wa Lilongwe atawapeza kuti iwo amayendetsa minibus alibe license.

Apolisi ati kuphatikiza apo, adapeza kuti minibus imene amayendetsayo idapezeka kuti inalibe chikalata choiyeneleza kuyenda pamseu (CoF).

Pamwamba pakenso, iwo adanyamula anthu moonjeza. Ati atagwila minibus inali itapakila anthu 20 zomwe ndi zosaloledwa pamseu.

A Pofera atagwidwa anatengeledwa ku bwalo la Milandu mu mzinda omwewo wa Lilongwe kumene anakapezeka olakwa.

Bambo Pofera anapempha bwalo kuti liwachitile chifundo chifukwa kanali koyamba kulakwa komanso ali ndi banja loti alisamale.

Koma Apolisi anapempha bwalo kuti likanthe Bambo Pofera ndi chilango chokhwima kamba koti ngozi zikuchuluka ndipo iwo akufuna anthu atengelepo phunziro.

Poweluza a bwalo anagamula Bambo Pofera kuti alipile K480,000 kapena akagwile wa kalavula gaga kwa miyezi makumi awiri ndi umodzi (21).

Share.

203 Comments

  1. This is not fair mukuyiyamwa ng’ombe yoondakale why u don’t arrest Chaponda Malawi walero obera anthu osauka olemera akapalamula salandila chilango chilichonse.One day God will judge us remember.

  2. Ndiye Malawi Wanga Ameneyo! Dzikoli Akuliva Bwino Ndi Alendo Koma Mnyasa Ataaaa! Mitsokho Mutidule Mwankhaza Koma Iiiii! Basibe Ndife Amalawi Koma Tisikondana Coz Nyimbo Ija Ya Mtundu Wa Fuko Lathu Muli Fundo Zomanga Malawi Osati Nkhazazi Ayi

  3. umbava wa apholisi ,kuponderezana uku &with zis situation sitingalemere,mmalo moti azikalimbana ndi umbanda ndi umbava akungothamangira pamsewu nkumatichedwetsa maulendo opita kumaliro.Angopita ndikukayitanira ma min-bus ngati ali moneyhungry.

  4. a police sakulakwa ndi mawu anayankhulidwa chikuvuta ndi chani kwa sunga mawuwo amaminibus musamapange zinthu ndi cholinga chofuna kuwaona ena Ngati zitsilu kapena opusa kumakhala seriously ndi ntchito yanu osati ife tingamakuloweleni kumaika ndemanga zokubakilani ndinu Mbuzi kumava mulungu anakuikani makutu mbali yakumanja ndi mbali yaku manzele kuti muzisowa ponamizila kuti simunave nde analengaso mphepo kuti wina akalankhula mawu aziyenda ndi mphepo IJA azikalowa nmakutu mwanumo ntchito ya bwino a police osasekelela zompusa nmanja mwanu

  5. Zalowano kubelana, the need for money is too much in this government, amakhwimitsa malamulo okhaokha omwe akukhuzana ndi za ndlama basi. Anthu akubeledwa daily koma palibe chomwe akupanga

  6. zinthuzi zangokhala zovuta, kulipilisidwa 4,8000 00, mm mzovuta ndiye dziko lapansi m’ene zikhalila mu ulemelelo zimenezo zolangana pansi panozi kwa mwini mfumuyo kulibe, mkomwe pa tsikulo tikazafika ngati tichita bwino m’oyo uno mkukaonanana mkumati abwenzi taonani takumana kuno titazunzana kwa nthawi yaitaali m’oyo wa Ku dziko, chosangalasa mkuwiyobsuzakhalako, mau akunena momveka kuti, zaakale sizizakumbukilikanso. mukuziwa inu anthufe tizapulumuka chifukwa cha, chisoni. bwanji tsopano tifewese mtima yathu tisaumile anthu mtima izakhalapo nthawi mkumamva kuti iiiiinuuu inu munayenela kupita Ku gahena, koma, komatu chifukwa choti unmukhululukila uyu, sunalandile chinyengo, sunakamponye mundende chifukwa cha nkhani za pa nseu, lowa m’chikondwelelo cha state nanga, lomwe kuzakhale kuimba mkukondwa, mwalankhulidwatu iiinu, sinthani. mulungu, akudaliseni nonse.

  7. Nanga a njingaza moto akumakwela antju four njinga Imozi Komaso opanda licence insulance Komaso helmet AKumayenda Nthawi zonse ndi liwilo lalikulu NGati Ali part MPikisano Kuti opambana Alandila MPoto awapanga Chani nawoso agwidwe Alipilisiswe chindapusa chambili

  8. Amalawi kumaivesesa nkhani .munthuyu wanali driver koma chinali chigawanga chosasamala moyo wanga anthu ,chifukwa wamayendesa galimoti alibeso chiphaso choyendesela galimoto kuli kupwanya malamulo koyamba komaso kusasamala miyoyo ya anthu.komaso nkupakilaso molakwila malamulo.ndiye muziti a police ngolakwa.?aaaaa inu!!! what abt wanakataya anthuwo. ? wamayendeselanji galimoto wopanda chiphaso chapamusewu.?

  9. Bola chilungamo chikhalepo mwayamba ndimoto inu apolice mapeto ake muyambe kukanilana.kma zikuoneka ngat mukupanga zosiyana,akumulanje k180,000,nanga inu mpaka k480,000.nanga kuiwala chitupa mpaka kuonjezela k300,000 its too much.

  10. Out of his ignorance, he has to face it. For they loved the drivers they announced their beloved laws, and those who are to follow the law, they will enjoy their business..

    Lesson to drivers,, ignoring the law is very expensive. Just abide to the law or rules you will be happy people,

    Big up law enforcers,, let us learn to teach how to teach those who are required to be taught..

  11. Koma ma Driver enawa amakhala opanda nzeru, zoona iyeyo kunyamuka kumaenda pansewu opanda Licence? Nanga umbon oti ndi Driver ndi uti? Nanga pakachitika ngoz, adzadziwika kut Driver ndi uti? Amuchita bwino, kip it up. Ma 4-4 musiyeso

Leave a Reply