Atolankhani a ku MBC aswedwa makofi ndi oyang’anira akaidi, a bungwe anyangala

Bungwe loyang’anila ufulu wa Atolankhani mu chigawo cha Kum’mwera kwa Africa, koma la mbali ya ku Malawi kuno, la MISA Malawi lati ndi lokhumudwa.

Bungweli lati ndi lokhumudwa kuti ogwira ntchito awiri a nyumba youlutsila mawu ya MBC anamenyedwa pamene amakatola nkhani ya zionetselo za oyang’anira akaidi.

Malinga ndi chikalata chomwe watulutsa nkhalapampando wa bungweli, a Teresa Ndanga, a MISA ndi okhudzidwa kuti Atolankhani anachitidwa chipongwe akugwira ntchito.

Iwo ati izi ndi zoika pa chiopsezo ufulu wa Atolankhani ndipo sizikuyenela kumakhala choncho.
Mtolankhani wa ku MBC, a Patrick Dambula anamenyedwa limodzi ndi ojambula zithunzi wa ku MBC ku Maula komwe amakagwila ntchito.

Iwo amakajambula za kunyanyala ntchito kwa oyang’anira akaidi.