Mu Pulofeti yunji Wapusika kuti wapemphelenge nakuwuska Chitanda chanmmoza wa wakubanja uyo wakatayika pa chinayi.
Mu Pulofeti uyu wakasimikizgira wa banja kuti wizamuwuska chiponde na nkhongono za mapemphero.
Yumoza mwa Wazukulu wa muchikaya cha Gogodi kwa fumu yilala Kaomba ku Kasungu wati chiponde uyu wakafwa na nkhongono zake nkhanira.
Iye wakakomoka wati wamwa mowa chomene, apo wakafika nayo ku chipatala cha kasungu ndiko madokotala wakasimikizga kuti mnyamata uyu wafwa. Mwa mdauko wake, nyifwa yikafika mchikaya kuti mwambo wakuwika wambike namachero lake.
Mukati mu wusiku, wazimayi wakazizwa pakuwona chitanda chikugwedera kweniso chikufuma thukuta.
Mkati mwakukhwaskana pachiwa chawo, yumoza mwa wachibale wakukhala ku Mchinji kweniso ni polofeti wakawaphalira wabale wake kuti iye wazamupempherera mpakana chiponde wazamuwuka. Chikaya chikazomerezgana nawo wa chiwa yayi, mwantheula wakalutirizga mwambo wakukawika chiponde mlenji.
Wati wanyamula bokosi ulendo wakumalaro, ndipo wakizanga polofeti wa ku mchinji. Ivi vikapangiska kuti wakubanja wakanizge kulutirizga kukatitimizga nyifwa iyi. Thupi wakawerera nalo.
Wachikaya wakawa wakali ndipo wakaseluka nakumbininikana kuwalekera wekha wa banja. Wati wawona kuti wapemphera mise wose mpakana usiku kwambula kuphula kanthu, mwawekha wabanja wakanyamula thupi nakukawika.
Apo chikaya chikizangaso mlenji chikasanga wakuwerako ku thondo. Panyengo yasono mafumu ngakali chomene namaghanaghano ghakuti wa banja wawapusiska. Nyifwa wawika mayiro pa Chinkhonde.
