Mtsikana wina wa zaka 17, Mercy Phiri, wafa atawombedwa ndi mphenzi kwa Khosolo madzulo a pa 18 February, 2024 m’boma la Mzimba.
M’neneri wa polisi ya Jenda Macfarlen Mseteka wati womwalirayo ndi Mercy Phiri ndipo akuti patsikulo anakumana ndingoziyo atapita kwa amalume ake pamene mphepo ya mkuntho ndi mvula inagwa. Chifukwa cha mantha anaima pakona la nyumba.
Ndipo akuti ali pakhomopo mphenzi inamuwomba ndipo anakomoka, ndipo anthu adathamangira naye ku chipatala chaching’no cha Khosolo komwe adamwalira atangofika.
Nkhaniyi idakafika kupolisi ya Jenda, omwe adayendera malowo komanso kuchipatala. Kafukufuku wasonyeza kuti imfa idachitika chifukwa cha electrocution yachiwiri ndi mphezi.
Mercy Phiri amachokera m’mudzi wa Chikumbu Mfumu yayikulu Khosolo, m’boma la Mzimba.
