Wupu wa Mdauku wa Tonga (MWATO)gho wajaliya chigawa chapakati mchaluchinu, wa kokoska wanthu wowajaliya chigawa ichi kuti kwa nozgeka nkholi pa la mwenga ili (Sunday) mu msumba wa Lilongwe yakujekuliya Kholi ila ya Mdauku wa Atonga yoyazamuchitika pa 14 Ogasiti, Chilimika chinu, muboma la Nkhata-Bay.
Mulembi wakunozga nkholi iyi Tasiyana Longwe wapataula kuti a Tonga wosi wo waja Chigawa Cha pakati mbakulondeleka ku nkhumanu iyi ndi chilatu chakuti nkholi ya Mdauku wa Atonga chilimika chinu iziwi ya kunotha.
“Tanozga vakuchitika vinandi, vovazamupangiska kuti nkhumanu yidu pa sabata apa izije ya kusangaluska. Kwazamukuwa malipenga ndi maguli nganyaki kweniso wakumba nawu wazamukuwako. Kwa zamukuwa kugulisa vilwelu vya Atonga, vyakulwa vyose vya chitonga vizamukuwako”. Wapataula mwa viyo a Longwe.
Pa nkhumanu iyi mulendu wa mphamphu ndi Mbumba Banda yo ndi Mula wa Nyuzi pepala ya Nation Publications Limited (NPL)
Wanthu wanyaki wo nawu wamukuwaku ku nkholi iyi mba Ada Richard Banda wo wenga mula wa wakweluzga milandu, Ada Ken Zikhali Ng’oma, Ada Symoni Vuwa Mwanjawana Kaunda ndi wanyaki wandi mwakuwo.
Mdauku wa Atonga ndi nkholi yoyichitika chaka chechosi, ndichiwulavi chakulutizga panthazi utonga.
