Nyumba ya weruzgi ku Mzimba yalandula kuti adada Aaron Ngwenya wavilumika 38 wakaseweze jere kwa vilumika khumi na vinayi chifukwa chakugona mwana wa vilumika vinkhonde na vibiri.
Wakuyimilira boma a Pachalo Nyirenda pa July 29, 2024 wakayiphalira mpahala ya weruzgi kuti a Ngwenya wakachita vaulankhasi ivi pa October 19, 2023 apo bakapusika kamwana kuti wamukapasa magwafa kudimba, ndipo wakatolera kwamwana aka ku masano nakukagona.
Nyirenda wakaphalaso kuti Ngwenya wakamusanga kuti wali mkati mwamulimo waulankhasi uwu na wanthu wamuchikaya chake pamo nanyina wamwana ndipo wakatolera a Ngwenya ku Polisi.
Kumphala ya weruzgi a Ngwenya wakaukana mulandu ndipo boma likachema wanthu wanayi kuti wakhalire ukaboni ndipo pamanyuma pake a Ngwenya wakasangika na mulandu.
Pakupereka madando a Ngwenya wakapempha mphala ya weruzgi kuti yibagobokele pakuti wakusunga mwana mchoko kweninso a gogo wawo, namaghanoghano yakuti pala wakakika wanthu awo wakuwasunga wasuzgikenge.
Wakuyimila boma wakapempha mphala ya weruzgi kuti yipereke chilango chikulu chifukwa ivo wakachita dada Ngwenya nivaulankhasi kweniso kamwana nkhanishe chomene.
Wakweruzga milandu mu mphala ya weruzgi a Redson Gamaliel wakakoleranako na pempho la boma ndipo wakagamula kuti a Ngwenya wakakhale ku nyumba ya vikondo kwa vilumika khumi na vinayi.
A Ngwenya wakufuma m’muzi wakwa Chiwazga, fumu yailala Inkosi yama khosi M’mbwela mu boma la Mzimba.
