Apolisi ku Kasungu akusunga mchitokosi njonda ina ya zaka 35 zakubadwa kamba kopezeka ndi katundu monga wayilesi za kanema zinayi za mtundu wa plasma ndipo njondayi ikuganiziridwa kuti idachita mokuba katunduyi.
Wachiwiri kwa mneneli wa apolisi m’bomali a Miracle Mkozi, ati njondayi yomwe dzina lake ndi a Goodson Alli, idapezeka ndi katunduyu ku nyumba yake ku Chitete kutsatira anthu ena atatsina khutu apolisi pa zankhaniyi.
Apa apolisi sanazengereze koma kuthamangira kunyumba kwa njondayi komwe anakapeza katunduyo ndi kunjata mkuluyo.
Posachedwapa njondayi ikaonekera kubwalo la milandu ndi kukayankha mulandu wakuba.
Njondayi imachokera m’mudzi mwa Dzimbiri kwa mfumu yayikulu Jalasi m’boma la Mangochi.
Wolemba: Ben Bongololo
