Gladys Mtenje yemwe ndi wa zaka 34 amulamula kukakhala ku ndende zaka 14 kamba kogwililira mnyamata wa zaka 17 kwa Kauma ku Lilongwe.
Mayiyu adapalamula mlanduwu pa 1 February chaka chino.
Pa tsikuli, a Mtenje anapita kukacheza ndi mayi ake a mwanayo ku nyumba kwawo.
Apa mwanayu anali akuwerenga za kusukulu.
Patapita nthawi, mayi a mnyamatayo anachokapo kuwasiya a Mtenje omwe anapeza mpata onyengelela mwanayo kuti agone nawo.
Mayiyu adamangidwa ndi a polisi ndipo mu khothi anavomela mlanduwu.
Dzulo, bwalo pamodzi ndi apolisi a Lingadzi anapita kwa Kauma komwe bwalo linakapereka chigamulo chake.
Oweruza milandu a Rodrick Michongwe anati mayiyu anayenela kukakhala kundende moyo wake onse koma achepetsa chilangochi chifukwa a Mtenje adavomera mlanduwu mosavuta.
Nthawi yomwe bwalo limapereka chigamulo chake, anthu a m’derali anawapatsidwa mwayi oti afunse mafunso aliwonse okhudza milandu yogwilira, kugonana mokakamiza komanso kugona ndi ana.
Khothi linachita izi pofuna kupereka phunziro kwa ena.
