Mu masewelo a mpira wa miyendo okumbukira tsiku la mtsogoleri oyamba wa dziko lino a Ngwazi Dr Hastings Kamuzu Banda pakati pa Mighty Mukuru Wanderers ndi Silver Strikers pa Kamuzu stadium athela kukomera Wanderers.
Mphunzitsi wa timu ya Silver Strikers, Peter Mponda wati masewero a alero sanali masewelo abwino kweni-kweni ponena kuti mipata yomwe anzawo anapeza akwanitsa kuwagonjetsa koma masewelowa asapusitse anthu.
Naye Meke Mwase wachiwiri kwa mphunzitsi wa Mighty Mukuru Wanderers wati ndi okondwa ndi chipambanochi, zinangovuta kuti anyamata ake ambiri omwe asewera lero nkoyamba kusewera maselo a mphamvu.
Masewelowa omwe anali ndi mphindi 25 mchigawo chilichonse athela mokomela anyamata a ku Blantyre a Manona chigoli cha Fransisco Madinga pa mphindi ya 16 mchigawo choyamba.
Awiriwa akumananso kumathero kwa sabata ino mu chikho cha TNM pamene akutengetsana Silver ikutsogolera ndi Wanderers pa nambala yachiwiri pa mndandanda wa ma timu a mu ligiyi.
