Kujijilizana koyamba pa bwalo la Kamuzu masabata apitawo kutatha osabala kanthu, lero kanthu kakuyenera kubadwa pakati pa ma timu a Creck Sporting Club ndi FCB Nyasa Big Bullets pomwe akhale akukong’othana mu masewelo a chibwereza mu ndime ya quarter final ya Airtel Top 8.
Oyimbilla Godfrey Nkhakananga pamodzi ndi omuthandizira ake Pondamali Tembo ndi Samuel Fudzulani aweluza.
Bwalo la Nankhaka mu mzinda wa Lilongwe nde pomwe nkhondo ibuke 2:30 masanawa.
Joseph Kamwendo ndi anyamata ake anagwirana pakhosi ndi Peter Mponda ndi timu yake ya Bullets pomwe masewelo a. Quarter final yoyamba anathera 0-0 ma sabata awiri apitawo ngakhale Bullets inang’ambabe Creck 4-1 mu league ya TNM.
M’modzi wa awiriwa lero akuyenera kulekana nayo Airtel top8 yomwenso ndi ya chinambala 8 chiyambileni ndipo aweluze zonse ndi oyimbira Godfrey Nkhakananga.
Mphunzitsi wa Creck Sporting Joseph Kamwendo wati masewelo a lero akhala ngati otsiliza ndipo wati sakuwopa kukumana ndi Bullets.
