Kunali chimwemwe usiku onse ku timu ya Arsenal, pomwe yasosolanso michonya, akatswiri kangapo a Real Madrid pa kwawo Santiago Bernabeu mu mzinda wa Madrid usiku wa Lachitatu 2-1 mu masewelo achibweleza a ndime ya ma Quarter final a mpikisano wa UEFA Champions League UCL.
Zigoli za Bukayo Saka pa 65 ndi Gabriel Martinelli pa 90+3 pomwe Madrid inadzipepesa ndi chigoli cha Vinicius Junior pa 67, zomwe zamaliza masewelowa ndi 5-1 pa aggregate, masewelo oyamba atathera 3-0 kukomera Arsenal pa Emirates.
Arsenal yapita mu ndime ya ma Semi final tsopano patatha zaka 16 ndipo tsopano ikumana ndi PSG yomwe inaswa Aston Villa.
Intermilan yakodola Bayern Munichen ngakhale masewelo athera 2-2 usiku wathawu pa bwalo la San Siro koma pa aggregate ndi 4-3 kukomera Intermilan.
Barcelona inatsogola kale kumakadikilira Intermilan mu ndime ya ma timu anayi (semifinals).
Masewelo oyamba a mu ndime ya ma Semifinals Arsenal idzakumana ndi PSG pa 29 April 2025 pomwe Intermilan ndi Bayern adzakumana pa 30 April ndi sabata zotsatirayo semi-final yachibweleza.
