Maliseche athu ndi Peter Mutharika – Ben Phiri

Timva zinthu chaka chino. Tiona zinthu pofika nthawi yovota mu 2019. Ngati ena sayenda buno bwamuswe chibadwile ndiye ndi mwayi chabe.

Mkulu oyang’anila za chisankho mu chipani cholamula cha DPP a Ben Phiri wayelekeza a Peter Mutharika ndi maliseche.

A Phiri amene ali ponda apa n’pondepo wa a Peter Mutharika anauza anthu ku Zomba komwe amakawamema zolembetsa mavoti kuti iwo azavotele a Peter Mutharika.

“Maliseche munthu umabisa ako,” anatelo a Phiri.

Iwo anaonjezelapo kuti anthu a chigawo cha kummwera maliseche awo ndi a Peter Mutharika ndipo anayenela kuti voti yawo azapatse a Mutharika basi.

A Phiri amene amaziti ndi obadwa mwatsopano komanso ndi M’busa adzudzulidwa ndi a Malawi ena kamba kopepuza mtsogoleri wa dziko ndi kugwilitsa chitsanzo chosayenela.