A ku unduna woona za chilengedwe, mphamvu ndi migodi ati iwo satopa kulimbana ndi anthu onse amene ali pa kalikiliki kufukula mchenga.
Malinga ndi a Sangwani Phiri amene amayankhulila undunawu, iwo ati undunawu ndi okhumudwa ndi khalidwe lovuula mchenga maka m’mbali mwa mtsinje.
Iwo ati boma ndi lokhudzika ndi mchitidwe umenewu kamba koti umaononga chilengedwe.
A Phiri ati ngati boma, sanyengelela anthu onse opezeka akuchita makhalidwe amenewa.
Iwo apemphanso mafumu ndi a Malawi onse kuti akhale okonda dziko lawo ndipo agwilizane ndi boma pothetsa mchitidwewu.
