Pamene dziko linatangwa ndi kumangidwa kwa Mayi Chizuma, bwalo ku Lilongwe linatangwa ndi kuzenga milandu Mayi Dorothy Shonga komanso mkulu wakale wa MERA, a Collins Magalasi. Ndipo agwa nayo kale round yoyamba.
Oweluza milandu a Patrick Chirwa apeza kuti a Shonga ndi a Magalasi, kudza anthu ena awiri, ali ndi milandu yoti ayankhe yokhudzana ndi nkhani za katangale ku MERA.
A Shonga ndi ena akuganiziridwa kuti adapangitsa a bungwe la MERA kuwapatsa bizinesi mwa chinyengo. Malinga ndi a mbali ya boma amene akuzenga mulandu, ati a Shonga anagwilitsa ntchito kampani yawo ya Vink kuti abere bungwe la MERA.
Kupatula a Shonga ndi a Magalasi, ena amene akuyimbidwa milandu ndi a Patrick Maulidi ndi a Bright Mbewe amene nawo amagwila ku MERA.
Potengela chigamulo chimene chaperekedwa, anthu anayiwa tsopano ayamba kuzengedwa mulanduwu.
Tipezeni pa Twitter
