Ukayenda siya phazi, mulomo umatsata. Mawu awa atha kukhala ndi amene akulingalira a Saulos Chilima pamene atoledwa ndi a polisi poganizilidwa kuti anachita za katangale ndi a Zunneth Sattar.
Bungwe lothetsa ziphuphu la ACB, lamanga wachiwiri kwa mtsogoleri wa dziko lino a Saulos Chilima kamba kokhudzidwa ndi nkhani za katangale.
Malinga ndi chikalata chimene atulutsa a bungweli, a Chilima akuganiziridwa kuti anachita madilu ndi mkulu wa ma business a Sattar.
A Chilima amene amatsogolera chipani cha UTM chimene chili mu mgwilizano olamula amangidwa ku mmawa kuno atafunsidwa mafunso ochuluka ndi bungwe lothetsa katangale.
Mwa zina, a Chilima akuganizilidwa kuti anapanga ziphuphu zokhudzana ndi ndalama pafupifupi 300 million zokhudzana ndi a Sattar.
Malinga ndi malipoti, bungwe la ACB lalemba ntchito a Mordecai Msiska kuti awathandize kuimba mlandu a Chilima.
Nthawi ya kampeni, a Chilima adauza anthu kuti akazatenga boma azakhululukira akaidi omwe anaba nkhuku ndipo azapititsa ku ndende akaidi oba ndalama zikuluzikulu.
Pakali pano, a bwalo apatsa belo a Chilima.
